საფრანგეთის ლიგა 1-ის 29-ე ტურის შეხვედრაში გიორგი მიქაუტაძის მეცმა ლანსს 2:1 მოუგო, მასპინძელთა ორივე გოლი კი ქართველი ფორვარდის ანგარიშზე გახლდათ.
გიორგის შესანიშნავ თამაშს სტატია Eurosport-მა მიუძღვნა, რომელმაც დაწერა, რომ მეცს ლიგა 1-ში დარჩენისკენ სწორედ მიქაუტაძე მიუძღვება.
"ამსტერდამის აიაქსიდან გიორგი მეცში 5 თვის შემდეგ დაბრუნდა და ფრანგულ კლუბს მიქაუტაძე მხსნელად მოევლინა. მართალია, რომ გიორგი თავიდან არაფრით გამოირჩეოდა, მაგრამ ქართველმა ბოლო 7 ტურში ამდენივე გოლი გაიტანა და თავისი სიტყვა თქვა."
"მეფე გიორგი მიქაუტაძე მეცს ლიგა 1-ში დარჩენისკენ მიუძღვება. ფაქტი, რომ მეცი დარჩენისთვის დღემდე იბრძვის, ეს სწორედ მიქაუტაძის დამსახურებაა", - წერს გამოცემა.