რამდენიმე დღის წინ ალექსანდრ ვოლკანოვსკი ისლამ მახაჩევთან ნოკაუტით დამარცხდა, თუმცა, ქვემსუბუქი კატეგორიის მოქმედი ჩემპიონისთვის გეგმები არ იცვლება.
ავსტრალიელი ამბობს, რომ მას იანვარში ილია თოფურიასთან სურს ჩხუბი, როგორც ეს აქამდე იყო დაგეგმილი:
"ორგანიზაციას უკვე ვესაუბრე და ვუთხარი, რომ ბრძოლები მჭირდება. ახლა კარიერის პიკში ვარ და მინდა, ბევრი ბრძოლა გავმართო, ამიტომ ილიასთან ჩხუბი მსურს. ზოგი ამბობს, რომ დასვენება მჭირდება, თუმცა ამას არ ვეთანხმები.
ილიასთან ჩხუბი საინტერესო იქნება, გპირდებით, იანვარში ალექსანდრ ვოლკანოვსკის უკეთეს ვერსიას იხილავთ", - განაცხადა ვოლკმა.