ერთი ნაბიჯი საუკეთესოობამდე - მერაბ დვალიშვილმა UFC-ის რეიტინგში წინ წაიწია

UFC 316-ზე შონ ო'მალიზე დამაჯერებელი გამარჯვების შემდეგ, მერაბ დვალიშვილმა თავისი უპირატესობა სუპერმსუბუქ წონაში კიდევ ერთხელ დაამტკიცა და, ფაქტობრივად, დივიზიონი სრულად გაასუფთავა.

ქართველი მებრძოლი "მანქანის" სახელს სრულად ამართლებს – მისი დაუღალავი სტილი, ფიზიკური გამძლეობა და სტრატეგიული სისუფთავე მის მოწინააღმდეგეებისთვის გადაულახავ კედლად იქცა.

გამარჯვების შემდეგ განახლებული UFC-ს ოფიციალური რეიტინგები მერაბის დომინანტობას ადასტურებს: ქართველმა მებრძოლმა Pound for Pound რეიტინგში მეორე ადგილი დაიკავა, რაც მისი კარიერის ყველაზე მაღალი მაჩვენებელია. დვალიშვილმა რეიტინგში ორი პოზიციით წინ წაიწია, უკან ჩამოიტოვა ილია თოფურია, ასევე ლეგენდარული ჯონ ჯონსი, და ამ მომენტისთვის მასზე მაღლა მხოლოდ მსუბუქი წონის ჩემპიონი – ისლამ მახაჩევია.

მერაბ დვალიშვილმა სუპერმსუბუქ წონაში პრაქტიკულად ყველა მთავარი კონკურენტი დაამარცხა და ამით დივიზიონის "გაწმენდას" ფაქტობრივი საფუძველი მისცა.

შონ ო'მალიზე გამარჯვება განსაკუთრებით მნიშვნელოვანი იყო, რადგან ამერიკელი მებრძოლი მრავალმილიონიანი აუდიტორიის თვალში ერთ-ერთი ყველაზე პოპულარული ფიგურა და მოქმედი ჩემპიონი გახლდათ. მერაბის მხრიდან ეს არა მხოლოდ ტაქტიკურად ჭკვიანური, არამედ ფსიქოლოგიურად მყარად ჩატარებული ბრძოლა იყო.

"მანქანა" დვალიშვილის სახელის გარშემო დღეს უკვე აქტიურად განიხილება GOAT-ის (Greatest of All Time) ტერმინი – ის, ვინც წონის კატეგორიაში თავისი ეპოქის განსაზღვრული დომინანტი გახდა.

დვალიშვილი ამჟამად ისტორიაში შესვლის გზას ადგას. უკვე დაიწყო საუბარი წონის ცვლილებაზე და უფრო მაღალ კატეგორიაში საკუთარი ძალების გამოცდაზე. მისი სტილი, გამძლეობა და მენტალური სიმტკიცე სხვა წონებშიც კონკურენტუნარიანს ხდის.

UFC-ის გულშემატკივრები, სპორტული ანალიტიკოსები და თვით მებრძოლებიც აღიარებენ – მერაბ დვალიშვილი დღეს სუპერმსუბუქი წონის უპირობო მეფეა, ხოლო Pound for Pound რეიტინგში მისი მეორე ადგილი კი – ქართული MMA-ს უდიდესი გამარჯვებაა.