საფეხბურთო პორტალმა, Transfermartk-მა ლა ლიგაში არსებული მეკარეების ფასები გამოაქვეყნა, პირველ პოზიციაზე კი გიორგი მამარდაშვილია.
ამ მომენტში საქართველოს ეროვნული ნაკრებისა და ვალენსიას კარის დარაჯი 35 მილიონი ევრო ღირს. გიორგი 4 მილიონით ისეთ მეკარეებს უსწრებს, როგორებიც იან ობლაკი, ტიბო კურტუა და ტერ შტეგენი არიან.
მამარდაშვილის პროგრესი იმდენად თვალსაჩინოა, რომ მასზე დიდი გუნდები ზაფხულში ბრძოლას დაიწყებენ, ქართველის შეძენის ერთ-ერთი ფავორიტი კი პრემიერ ლიგიდან უნდა იყოს.
უდიდესია იმის ალბათობა, რომ ვალენსიამ ზაფხულში მამარდაშვილი სარფიანად გაყიდოს და ამით ეკონომიკური სტაბილურობა მოიპოვოს.