შემოგვიერთდით

"მანჩესტერ სიტიმ" "მილანიდან" 26 წლის ნიდერლანდელის ტრანსფერი შეათანხმა

4-06-2025, 22:19

Aa Aa

გაზიარება:

"მანჩესტერ სიტიმ" მართლაც მიაღწია შეთანხმებას "მილანთან" ტიჯანი რეინდერსის ტრანსფერზე — ინფორმაციას ავტორიტეტული ჟურნალისტი, ფაბრიციო რომანო ავრცელებს. ნიდერლანდელი ნახევარმცველი ინგლისურ გრანდს 70 მილიონი ევროს სანაცვლოდ შეუერთდება (ბონუსების გათვალისწინებით) და ხუთწლიან კონტრაქტს გააფორმებს.

რეინდერსმა შთამბეჭდავი სეზონი ჩაატარა "მილანში". მას 104 მატჩში აქვს მონაწილეობა მიღებული და 19 გოლი გაიტანა. გასულ სეზონში იგი იტალიის სერია A-ს სიმბოლურ გუნდში მოხვდა, რაც მის მუდმივ პროგრესზე მიუთითებს.

აღსანიშნავია, რომ რეინდერსი "მილანს" 2023 წელს ალკმაარიდან შეუერთდა და სწრაფად გახდა გუნდის ერთ-ერთი ლიდერი.

ამასთან ერთად, ბრიტანულ მედიაში აქტიურად ვრცელდება ცნობები, რომ „მანჩესტერ სიტი“ ახლოსაა კიდევ ერთი ტრანსფერის დახურვასთან — საუბარია "ლიონის" შემტევ ნახევარმცველზე, რაიან შერკიზე, რომელსაც ევროპაში ერთ-ერთ ყველაზე ნიჭიერ ახალგაზრდა მოთამაშედ მიიჩნევენ.

სავარაუდოდ, სიტი ზაფხულის სატრანსფერო ფანჯარას დინამიურად და შეტევაზე ორიენტირებული შემადგენლობის გაძლიერებით დაიწყებს.