"ნამდვილი გენიოსია" - ჰაკიმის კომენტარი არსენალთან მატჩის შემდეგ

ჩემპიონთა ლიგის ნახევარფინალური ეტაპის განმეორებით შეხვედრაში „პარი სენ-ჟერმენმა“ საკუთარ მოედანზე „არსენალი“ ანგარიშით 2:1 დაამარცხა და ფინალის საგზური ორრაუნდიანი გამარჯვებით (ჯამში 3:1) მოიპოვა.

მატჩის შემდეგ პარიზელთა მარჯვენა მცველმა, აშრაფ ჰაკიმიმ, მედიის წარმომადგენლებთან ემოციური კომენტარი გააკეთა:

„შეუდარებელი გრძნობაა! სტადიონზე საოცარი ატმოსფერო სუფევდა – გულშემატკივრებმა უდიდესი ენერგია გადმოგვცეს. აქამდე მოსასვლელად მთელი სეზონი დაუღალავად ვიმუშავეთ. ლუის ენრიკემ შესანიშნავი გუნდი შექმნა – ის ნამდვილი სტრატეგია, ნამდვილი გენიოსია“, — განაცხადა ჰაკიმიმ.

მაროკოელი ფეხბურთელის თქმით, ფინალის წინ ყველა წვრილმანი გასათვალისწინებელია:

„მოკლე დრო გვაქვს მომზადებისთვის. ჩვენი მომდევნო მეტოქე ძლიერი და გამოცდილი გუნდია, ამიტომ ყურადღება უნდა გავამახვილოთ მცირე დეტალებზე, რამაც თამაშის ბედი შეიძლება გადაწყვიტოს.“

შეგახსენებთ, რომ ჩემპიონთა ლიგის ფინალში „პარი სენ-ჟერმენის“ მეტოქე მილანის „ინტერი“ იქნება. გადამწყვეტი დაპირისპირება 31 მაისს გაიმართება.