როგორც ჩანს, რუსეთის სახელით მოასპარეზე პიოტრ იანს მერაბ დვალიშვილთან ერთი წაგება არ ეყო და ხელახალი ბრძოლის გამართვას იწყებს.
იანი ამბობს, რომ მიმდინარე სეზონს რევანშისთვის გამოიყენებს, მეტოქე კი აუცილებლად ზედა რეიტინგიდან უნდა იყოს.
აღმოჩნდა, რომ პიოტრის ერთ-ერთი მიზანი მერაბ დვალიშვილთან ჩხუბიცაა, რომელთანაც რუსი მებრძოლი რეაბილიტაციას შეეცდება.
შეგახსენებთ, რომ იანი და დვალიშვილი ერთმანეთს 2023 წლის მარტში შეხვდნენ, მერაბმა კი მეტოქე 5 რაუნდში მსაჯების ერთსულოანი გადაწყვეტილების თანხლებით დაამარცხა.