შვეიცარიულ მედიაში სტატია ბაზელის ახალგაზრდა ფეხბურთელებზე გამოქვეყნდა, რომელშიც გაბრიელ სიგუა დადებით კონტექსტშია ნახსენები.
"ბაზელისთვის ბნელი გვირაბის ბოლოში სინათლე მაინც გამოჩნდა, რადგან რამდენიმე ახალგაზრდა ფეხბურთელმა თამაში კარგად დაიწყო."
"აქედან ერთ-ერთი ქართველი ნახევარმცველი გაბრიელ სიგუაა, რომელიც ფაბიო ჩელესტინის გუნდში სულ უფრო და უფრო მეტს თამაშობს", - წერენ შვეიცარიაში.
ცნობისთვის, 18 წლის სიგუას ბაზელის მაისურით მიმდინარე სეზონში 14 თამაში აქვს გამართული, რა დროშიც მან 3 გოლის გატანა მოახერხა.