NBA-ს G ლიგის All Star-ის მატჩში მონაწილეობას საქართველოს ნაკრების კალათბურთელი, სანდრო მამუკელაშვილი მიიღებს. იგი პირველი ქართველი კალათბურთელია, რომელიც აღნიშნულ ღონისძიებაზე ითამაშებს.
როგორც იცით, სანდრო "მილუოკი ბაქსის"რიგებში ასპარეზობს, მაგრამ გუნდში დიდი კონკურენციის გამო ფორმის შესანარჩუნებლად NBA-ს განვითარების ლიგაში "ვისკონსინ ჰერდის" ღირსებას იცავს, სადაც სოლიდურ სტატისტიკას აგროვებს: 20.3 ქულა, 10.1 მოხსნა და 4.1 შედეგიანი გადაცემა.
მამუკელაშვილი ლუკა გარსას გუნდში ჩალზ ბეისის ნაცვლად ითამაშებს. All Star-ის მატჩი 20 თებერვალს გაიმართება.