კობიაშვილი: "სამარცხვინოა. მე რომ ნაკრების მწვრთნელი ვიყო..." » SPORTLINE.GE - სპორტის ხაზი

კობიაშვილი: "სამარცხვინოა. მე რომ ნაკრების მწვრთნელი ვიყო..."

კობიაშვილი: "სამარცხვინოა. მე რომ ნაკრების მწვრთნელი ვიყო..."
12-09-2021, 14:54
Aa Aa
გაზიარება:

საქართველოს ფეხბურთის ფედერაციის პრეზიდენტმა, ლევან კობიაშვილმა, სექტემბრის სანაკრებო პაუზის დროს გამართული ეროვნული ნაკრების თააშები შეაფასა და ქართველი ფეხბურთელები გააკრიტიკა.

“ჩემთვის, ეს თამაშები იყო სამარცხვინო, კატასტროფა. ეს რაც ჩვენ ვნახეთ, ლოგიკაში არ ჯდებოდა, არც იკითხებოდა. მე მრცხვენოდა ნამდვილად. გამოვლენ და წაგებული მატჩების შემდეგ ხან მწვრთელს აკრიტიკებენ, ხან ფედერაციას - მხოლოდ ესაა პრობლემა?"

"იცი, რომ ამ სტადიონზე პირველ მატჩს ატარებ. იცი, რომ წლებია მსოფლიოს ჩემპიონატის შესარჩევში თამაში არ მოგიგია... ან სტატისტიკას არ კითხულობენ? ჩემთვის სრულიად გაუგებარია კოსოვოსთან ასეთი თამაში. კოსოვომ ჩვენზე მეტი არ უნდა ირბინოს, მაგალითად, მე რომ მწვრთნელი ვიყო, პირველი მატჩიდან გამომდინარე ხოჭოლავას თამაში არ მომინდება."

"ძალიან მიყვარს ნიკა კვეკვესკირი, ის არავის ჩამოუწერია და მიმაჩნია, რომ ერთ-ერთი ძლიერი მოთამაშეა, თუმცა წინა თამაშებში არ იყო მისით მწვრთნელი კმაყოფილი და ამიტომ არ გამოიძახა. ქვილითაიას თამაშითაც არ იყო პირველ მატჩებში კმაყოფილი, შემდეგ აღარ გამოიძახა, ამ სანაკრებო პაუზაზე ისევ იხმო, დააყენა, შეიცვალა რამე?"

"წიტაიშვილი ძალიან მომეწონა, ბიჭს ეტყობა, რომ თამაში უნდა, კაცს ატყუებს, ჯარიმაზე თამაშობს, ბურთთან მიდის დასარტყმელად, ფეხბურთელებმა ნაკრებში განცდილი ყველა მარცხი უნდა განიცადონ, თამაშის შემდეგ მამარდაშვილმა განიცადა, პოსტი დაწერა, თუმცა ზოგიერთი პასუხისმგებლობას ვერ გრძნობს''.

"რაც შეეხება უთამაშებლობას გასაგებია, რომ ჩვენი ფეხბურთელები უთამაშშებლები არიან, მაგრამ კოსოვოს მოთამაშეებიც ასე იყვნენ და რატომ უნდა აკეთებდეს კოსოვოს ფეხბურთელი შენზე მეტ სპრინტს? არ უყურებთ, სხვა სპორტსმენებს, წარმატებებს რომ აღწევენ და ხალხი აეროპორტში ხვდება? დავიჯერო, არ გინდათ თქვენზეც ასე იყოს?"

"პატრიოტიზმთან მივდივართ, მაგრამ პატრიოტიზმი არ ჩანს, არ უყურებთ, სხვა სპორტსმენებს, წარმატებებს რომ აღწევენ და ხალხი აეროპორტში ხვდება? შეხედეტ ოლიმპიელებს, დავიჯერო, არ გინდათ თქვენზეც ასე იყოს?" - განაცხადა კობიაშვილმა.


კომენტარის დამატება
კოდის განახლება
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.


დღის ხაზი