ესპანეთის ლიგაში გიორგი შერმადინის ტენერიფემ გრან კანარიას უმასპინძლა და მეტოქე დაძაბულ ბრძოლაში ერთი ქულის სხვაობით, 93:92 დაამარცხა.
ტენერიფეს გამარჯვებაში უდიდესი წვლილი სწორედ ქართველმა კალათბურთელმა შეიტანა, რომელმაც მეტოქეს მთელი 22 ქულა ჩაუგდო.
გარდა ქულათა სიმრავლისა, გიორგიმ 5 მოხსნა და 3 შედეგიანი გადაცემაც მიითვალა, ეს ყველაფერი კი არასრულ 27 წუთში.
ტენერიფე ამ მომენტისთვის ესპანეთის ჩემპიონატში მე-5 ადგილს 16 მოგებითა და 10 წაგებით იკავებს.