საკალათბურთო ევროლიგის რიგით 31-ე ტურის შეხვედრაში ვირტუს ბოლონია ცრვენა ზვეზდას წინააღმდეგ 15 ქულის სხვაობით, 94:79 დამარცხდა.
იტალიური კლუბის ქართველმა ლეგიონერმა, თორნიკე შენგელიამ პარკეტზე ჯამურად 29:21 წუთი გაატარა და შესანიშნავი შთაბეჭდილებაც დატოვა.
საქართველოს ნაკრების კაპიტანმა სერბულ გრანდს 24 ქულა ჩაუგდო, 4 მოხსნა გააკეთა და 5 შედეგიანი გადაცემაც მიითვალა.
ვირტუს ბოლონიამ ევროლიგის ფარგლებში ზედიზედ მეოთხე შეხვედრა წააგო და მე-8 პოზიციას 17 მოგებითა და 14 წაგებით იკავებს.