"მილანის" უკრაინელმა ლეგენდამ ანდრეი შევჩენკომ დღევანდელ მილანურ დერბზე ისაუბრა და რაფაელ ლეაუსაც შეეხო.
"ძალიან პრონციპული დაპირისპირება გველის. ბევრი დერბი მითამაშია, მაგრამ მილანური ყოველთვის განსაკუთრებული იყო, ქალაქისთვისაც და ქომაგებისთვისაც. ცხრილში ამჟამინდელი მდგომარეობაც უფრო დაძაბულს ხდის ამ დაპირისპირებას.
"ლეაუ გამორჩეული ფეხბურთელია, დიდი ნიჭის მქონე, მაგრამ საქმე იმაშია, რომ არასტაბილურობით გამოირჩევა, ლიდერები და ჩემპიონები კი სხვანაირად არიან, მათ ზოგჯერ უწევთ, რომ მთელი გუნდი მხრით ატარონ. ამ ასპექტში მოსამატებელი აქვს", - განაცხადა შევჩენკომ.
შეგახსენებთ, რომ თუ "ინტერმა" "მილანს" მოუგო, იტალიის ჩემპიონობას სერია ა-ს დასრულებამდე 5 ტურით ადრე გაინაღდებს.